Sarrera nagusiaren pare-parean, ilara ikaragarria sortzen da: Gatibu musika-talde famatuak diskoak ari da sinatzen eta ez du inork galdu nahi. Gernikako taldeak arrakasta handia lortu du azken urte hauetan bere erritmo eta hizki dibertigarriekin; Durangoraino hurbildu dira ‘Euritan dantzan’ disko berria aurkeztera, zazpi abestiz osaturiko lan oso pertsonala eta estilo ezberdinez josia, bi urteko ahaleginak batzen dituena.

 

Halere, Gatibu Azokara etorri da, batik bat, euskal kulturaren azokan euskararentzat arlo erreferentzial eta berezi bat eskatzera : “Jende gazteak ikus dezala hemen kriston eskaintza dagoela euskarazko eta kalitatezko musika, liburuak, filmak eta kultura kontsumitzeko. Durangoko Azoka oso baliogarria da holako gauzak begibistan uzteko”. Alex Sardui lumotarrak gidatzen duen taldea argi dauka haien garraio nagusia euskara dela eta amorruz defendatzen dute hizkuntza honen ezarpena eta erabilera Azokari esker.

 

Desclé argitaletxeko stand dotorean, bere zuzendariak, Joseba Landa, haurrentzako proiektua aurrera eramatearekin ados dago: “Haurren eta irakasleen iritziak batzeko egun aproposa da gaurkoa, informazioa zuzenki mugitzen delako kontsumitzailetatik geurera”.  Haurretan pentsatzen egiten dira hemen eskaintzen diren produktuak, horregatik Landak ziurtatzen du ikasle gutxi hurbiltzen direla: “Erdarara jotzen dute haur-gazteek bat-batekoan, euskara ez dago bene-benetan barneratua haiengan”.

 

Umeekin une oro dabilen Derioko Txorierri Ikastolako irakasle batek, Pili, alegia, Landaren ikuspegia partekatzen du: “Haurrak hurbiltzen zaizkit edozer galtzera eta buelta erdi eman dutenean, berriz ere gaztelera dute ahoan. Hona datozela, gainontzeko jendeak ere euskaraz egiten duela ikusten dutenean, barnetegi bat balitz bezala laguntzen die”.

 

 

 

 

Egunak orduak xahutuz doa arratsaldeko seiak arte. Momentu hartan, Gerediaga Elkarteak azokako erdi parean altxatu duen gunea pertsonaz betetzen da: irekiera ofizialari ekingo diote hainbat xelebridadeak, hala nola, Aitziber Irigoras Durangoko alkatea edo Kristina Uriarte Eusko Jaurlaritzako Kultura Saileko kontseilaria. Hitzaldi laburtxo bat eta gero, Sèrgi Javaloyès, okzitaniar kulturaren ordezkaria, mikrofonoa hartuko du euskararen eta gaskoiaren arteko bereizitasunez berritzeko. Javaloyès-en hitzetan: “Entzun, sentitu eta maitatu okzitanoa hitz egiten duen jendea”.

 

49. edizioa ekitaldiz eta ospakizun handiz dator zamaturik, Euskal Herri osoko euskaldunen irrikitan zain.